Flash mob de protesta oe in Casteddu de una chentina de giornalistas in pratza Palatzu, dae in antis sa sede de sa prefetura, pro cuntestare sas paràulas chi su vicepremier Luigi Di Maio e s’ex deputadu de su movimentu chimbe isteddos, Alessandro De Battista, ant giradu a sa categoria, a pustis de s’assolutzione de sa sindaca de Roma, Virginia Raggi. Di Maio aiat definidu sos giornalistas ‘sciacalli’, mentras De Battista aiat naradu ‘pennivendoli e puttane’.
“No est giustu generalizare, fintzas si oe, in custa pratza”, ispiegat Celestino Tabasso, presidente de s’Assostampa sarda, “amus dimustradu de èssere in paris. Amus bidu manifestare pro sa libertade de istampa e contra sos insultos arribbados dae Di Maio, giornalistas pensionados, autònomos, precàrios e assùmidos. A Di Maio naramus chi no atzetemus pagelle de su pòdere. Sas nostras pagelle ce sas disacatu sos letores e sa cussèntzia nostra”.
“Unu fatu grae e preoccupante”, est intervènnidu su presidente de s’Òrdine de sos giornalistas de sa Sardigna, Francesco Birocchi. “Pònnere a s’inditze s’intrea categoria bolet narrere fàghere un’ operatzione illiberale. In passadu, atzionas de custu gènere sunt serbidas pro varare provedimentos antidemocràticos. Sa timoria nostra est chi si bògiat montare unu problema chi no esistet”.
Tra sos presentes a su flash mob, pro manifestare sa solidaridade issoro cara a sa categoria de sos giornalistas, bi fiant fintzas su vitzepresidente de sa Regione, Raffaele Paci e su sìndigu de Casteddu, Massimo Zedda.
